အထွေထွေကျန်းမာရေးစစ်ဆေးခြင်း

မိဘပြည်သူများ၏ကျန်းမာရေး အမြဲထာဝစဉ်ကောင်းမွန်စေရန်အတွက် ခန္ဓာကိုယ်အတွင်းရှိ ဇီဝလုပ်ဆောင်မှုများ အားလုံးပုံမှန်လုပ်ဆောင်မှုရှိမရှိကို သိရှိနိုင်ရန်နှင့် မိမိအသက်အရွယ်၊ မိသားစုရာဇဝင်နှင့် မိမိနေထိုင်မှုပုံစံပေါ်မူတည်ပြီး အနည်းဆုံး(၆)လတစ်ကြိမ် (သို့မဟုတ်) (၁)နှစ်တစ်ကြိမ် ကျန်းမာရေးကို ကြိုတင်ပုံမှန်စစ်ဆေးသင့်ပါသည်။ ကျန်းမာရေးကို ပုံမှန်ကြိုတင်စစ်ဆေးခြင်းကြောင့် သွေးတိုးရောဂါ၊ ကင်ဆာရောဂါ၊ ဆီးချိုရောဂါ၊ ကိုလက်စထရော၊ ယူရစ်အက်ဆစ်၊ နှလုံးရောဂါစသည့် (တိတ်ဆိတ်တဲ့လူသက်သမား) ကဲ့သို့သော အရေးကြီးသောရောဂါများနှင့် ကျန်းမာရေးပြဿနာ၏အစောပိုင်း ရောဂါလက္ခဏာများကို ခွဲခြားသိမြင်နိုင်မှာဖြစ်ပြီး ကြိုတင်ကာကွယ်မှုများကိုပြုလုပ်နိုင်မှာဖြစ်ပါသည်။ တစ်ချို့ရောဂါများသည် စဖြစ်ချိန်တွင်ရောဂါလက္ခဏာမပြဘဲ ရောဂါအဆင့်လွန်မှသာ ရောဂါလက္ခဏာပြသောကြောင့် ငွေကြေးပိုကုန်ကာ အချိန်ပိုပေးရနိုင်ပါသည်။ ထို့ကြောင့်ဗဟိုရ်စည်ဆေးရုံကြီးတွင် မိဘပြည်သူများ၏ကျန်းမာရေးအခြေအနေများကို ကြိုတင်သိရှိနိုင်ရန်အတွက် ကျွမ်းကျင်သောဆရာဝန်ဆရာများနှင့် ကျန်းမာရေးဝန်ထမ်းများက နိုင်ငံတကာမှတင်သွင်းသော နောက်ဆုံးပေါ်စက်ကိရိယာများကိုအသုံးပြုကာ မိဘပြည်သူများ၏ ကျန်းမာရေးလိုအပ်ချက်များကို အကောင်းဆုံးဝန်ဆောင်မှုပေးကာ ရောဂါ၏အစောဆုံးအဆင့် ရောဂါအခြေအနေများကို စစ်ဆေးဆောင်ရွက်ပေးနေပါသည်။