အိပ်မပျော်ခြင်းနှင့်ကျန်းမာရေးစစ်ဆေးခြင်း

ညဘက်အိပ်မပျော်ခြင်း၊ အိပ်မရခြင်းများသည် ယနေ့ခေတ်လူကြီးများတွင်သာမက လူငယ်များတွင်ပါ အဖြစ်များနေသော ရောဂါတစ်မျိုးဖြစ်ပါသည်။ အိပ်မပျော်ခြင်းရောဂါဖြစ်စေနိုင်သော အကြောင်းအရင်းများစွာရှိသည့်အနက် စိတ်ဖိစီးမှုများခြင်း၊ အတွေးလွန်ကဲမှုများခြင်း၊ အိပ်ချိန်မမှန်ခြင်းတို့သည် အိပ်မပျော်ခြင်းကို ပိုပြီးဖြစ်စေနိုင်ပါသည်။ အိပ်ရေပျက် များလာခြင်း၊ နှစ်ခြိုက်စွာ အိပ်မပျော်ခြင်းတို့ကြောင့် ခန္ဓာကိုယ်ရှိရုပ်ပိုင်းဆိုင်ရာနှင့် စိတ်ပိုင်းဆိုင်ရာ ဇီဝကမ္မဖြစ်စဉ်များ ယိုယွင်းလာနိုင်ပြီး အာရုံစူးစိုက်မှုနည်းလာခြင်း၊ သတိမေ့လွယ်ခြင်း၊ သွေးတိုးရောဂါ၊ နှလုံးရောဂါနှင့် စိတ်ရောဂါများ စသည့်မလိုလားအပ်သောရောဂါများ ဖြစ်လာနိုင်ပါသည်။ ထိုသို့သောရောဂါအခြေအနေများမဖြစ်ပေါ်လာနိုင်ရန်နှင့် ကြိုတင်ကာကွယ်မှုများပြုလုပ်နိုင်ရန်အတွက် ဗဟိုရ်စည်ဆေးရုံကြီး၏ Medical Check-UP ဌာနတွင် (Sleep Disorder Check-Up Package)ဖြင့် ကျွမ်းကျင်သောဆရာဝန်ဆရာမများ နှင့်ကျန်းမာရေးဝန်ထမ်းများက ခေတ်မီစက်ကိရိယာများကိုအသုံးပြု၍ အကောင်းဆုံးဝန်ဆောင်မှုပေးကာ စစ်ဆေးဆောင်ရွက်ပေးနေပါသည်။