ရာသီတုပ်ကွေးကာကွယ်ဆေးထိုးဖို့မမေ့နဲ့နော်
မိုးရာသီကာလသို့ ရောက်ရှိတော့မှာဖြစ်သောကြောင့် ကျန်းမာရေးနှင့်ပတ်သက်ပြီး ဆောင်ရန် ရှောင်ရန်များကို ကြိုတင်သိရှိထားပြီး ရောဂါများမဖြစ်မီ ကြိုတင်ကွာကွယ်နိုင်ရန်အတွက်ဖော်ပြပေးလိုက် ပါတယ်ခင်ဗျာ။

🤧🤒တုပ်ကွေးရောဂါဘာကြောင့်ဖြစ်ရတာလဲ
သာမန်အအေးမိခြင်း သို့မဟုတ် တုပ်ကွေးဖြစ်စေမည့် 🦠ဗိုင်းရပ်စ်ကူးစက်ခြင်းများဟာ ပြင်းထန်သော ကျန်းမာရေးအန္တရာယ် အမျိုးမျိုးကိုဖြစ်စေနိုင်ပါတယ်။ ဦးဆုံးအနေနဲ့ သာမန်အအေးမိခြင်းနှင့် တုပ်ကွေးကို ခွဲခြားသိမြင်ရန်လိုအပ်ပါတယ်။ သာမန်အအေးမိခြင်း၏ ရောဂါလက္ခဏာသုံးမျိုးမှာ လည်ချောင်းနာခြင်း၊ နှာခေါင်းပိတ်ခြင်း၊ ချောင်းဆိုးခြင်းနှင့် နှာချေခြင်းတို့ဖြစ်ပါတယ်။ သာမန်အအေးမိခြင်းနှင့် တုပ်ကွေးရောဂါ သည် ရောဂါလက္ခဏာတူများစွာရှိသော်လည်း တုပ်ကွေးရောဂါကူးစက်ခံရပါက အပူချိန်မြင့်မားခြင်း၊ ဖျားခြင်း၊ ခန္ဓာကိုယ် ညောင်း၊ ကိုက်၊ ခေါင်းအုံ၊ ခေါင်းကိုက်နာကျင်ခြင်းနှင့် နှာရည်ကျ၊ ချောင်းဆိုးခြင်းများ ကို ဖြစ်စေနိုင်ပါတယ် ။ CDC ၏ပြောကြားချက်အရ တုပ်ကွေးရောဂါဟာ မည်သည့်အချိန်တွင်မဆို ဖြစ်ပွား နိုင်သော်လည်း ရောဂါအများစုမှာ ရာသီအကူးအပြောင်းကာလများတွင် အဖြစ်များတယ်ဟုဆိုထားပါတယ်။
🤧ရာသီတုပ်ကွေးဘယ်လိုကူးစက်နိုင်သလဲ❓
🔹အသက်ရှုလမ်းကြောင်းမှတစ်ဆင့်ကူးစက်နိုင်ခြင်း၊
🔹ရောဂါပိုးရှိသူများ နှာချေခြင်း၊ ချောင်းဆိုးခြင်းမှတစ်ဆင့်ကူးစက်နိုင်ခြင်း၊
🔹ရောဂါပိုးရှိသူနှင့်ထိတွေ့ပြီး နှာခေါင်း၊ မျက်လုံး၊ ပါးစပ်တို့ကို ပြန်လည်ထိတွေ့ခြင်းဖြင့် ကူးစက်နိုင် ခြင်း၊
🔹ရောဂါပိုးကူးစက်ခံရသည့်အချိန်မှစ၍ (၁)ရက်မှ (၄)ရက်အကြာတွင် ရောဂါလက္ခဏာများပေါ် ပေါက်တတ်ခြင်း၊
🔹ရောဂါလက္ခဏာမပြမီ (၁)ရက်မှစတင်၍ ရောဂါလက္ခဏာစတင်ခံစားရပြီးနောက် (၇)ရက်အထိ အခြားလူများကို ကူးစက်စေနိုင်ခြင်း၊
🛡🛡ကာကွယ်ခြင်းသည် ကုသခြင်းထက် ပိုမိုထိရောက်မှုရှိသောကြောင့် ရောဂါမဖြစ်ခင် ကြိုတင်ကာကွယ်သောအားဖြင့်
✅လက်ကိုမကြာခဏဆေးခြင်း၊
✅အပြင်ထွက်တိုင်း Mask တပ်ခြင်း၊
✅သင့်တော်မယ့် နှစ်စဉ်တုပ်ကွေးကာကွယ်ဆေးနှင့် Covid-19 ကာကွယ်ဆေးအပါအဝင် ကာကွယ် ဆေးများ ထိုးခြင်း၊
✅အာဟာရရှိသော အစားအစာများကို စားသုံးခြင်း၊
✅ရေများများသောက်ခြင်း၊
✅ကိုယ်လက်လှုပ်ရှားမှုများပြုလုပ်ခြင်း၊
✅ပြည့်ဝစွာအနားယူခြင်းများကို ပြုလုပ်သင့်ပါတယ်ခင်ဗျာ။
💉💉ရာသီအလိုက်ကာကွယ်ဆေးထိုးခြင်းနှင့် ကျန်းမာရေးအကျိုးကျေးဇူးများ
🎯နှစ်စဉ် တုပ်ကွေးနှင့်ဆက်နွယ်သောရောဂါများကို ကာကွယ်နိုင်ခြင်း၊
🎯တုပ်ကွေးရောဂါရဲ့ပြင်းထန်မှုကို ကာကွယ်နိုင်ခြင်း၊
🎯အလုပ်(သို့မဟုတ်)ကျောင်းများတွင် ဖျားနာသည့်အရေအတွက်ကိုလျှော့ချနိုင်ခြင်း၊
🎯တုပ်ကွေးနှင့်ဆက်နွယ်သောဆေးရုံတက်ခြင်းကို လျှော့နည်းစေနိုင်ခြင်း၊
🎯တုပ်ကွေးနှင်ပတ်သက်သော သေဆုံးမှုကိုလျှော့နည်းစေနိုင်ခြင်း၊
အအေးမိခြင်း၊ တုပ်ကွေးနှင့် အခြားအသက်ရှုလမ်းကြောင်းဆိုင်ရာရောဂါများဟာ လူတစ်ဦးမှတစ်ဦးသို့ပို၍ ကူးစက်ရန် လွယ်ကူစေနိုင်သောကြောင့် တုပ်ကွေးကာကွယ်ဆေးရရှိခြင်းက တုပ်ကွေးရောဂါ အခြေအနေများကို လျှော့နည်းစေနိုင်ပါတယ်။ ကမ္ဘာတစ်ဝန်းတွင် တုပ်ကွေးရောဂါနှင့် ဆက်နွယ်နေတဲ့ အသက်ရှုလမ်းကြောင်းဆိုင်ရာရောဂါများကြောင့် သေဆုံးမှုလျှော့နည်းစေရန်အတွက် ရာသီအလိုက် ကာကွယ်ဆေး ထိုးခြင်းက ကျန်းမာရေးအတွက် အကျိုးကျေးဇူးများစွာကို ရရှိစေနိုင်မှာဖြစ်ပါတယ်ခင်ဗျာ။
💉💉ရာသီတုပ်ကွေးကာကွယ်ဆေးထိုးနှံသင့်သူများ
👉အသက်(၆)လ မှ (၅)နှစ်အထက်ကလေးများ၊
👉အသက်(၆၅)နှစ်အထက်ရှိ လူကြီးများ၊
👉နာတာရှည် ရောဂါရှိသူများ( ဆီးချို၊ နှလုံး၊ ကျောက်ကပ်၊ ကင်ဆာနှင့် သွေးအားနည်းရောဂါ )၊
👉နာတာရှည် အဆုတ်ရောဂါအခံရှိသူများ (ပန်းနာရင်ကြပ်၊ တီဘီရောဂါအခံရှိသူများ)၊
👉ကျန်းမာရေးဝန်ထမ်းများ ရာသီတုပ်ကွေး ကာကွယ်ဆေးထိုးနှံသင့်ပါသည်။
တုပ်ကွေးရောဂါသည် အဆုတ်အပါအဝင်၊ အသက်ရှုလမ်းကြောင်းဆိုင်ရာများကို အဓိကထိခိုက်စေနိုင်ပြီး ပြင်းထန်သောရောဂါတစ်ခုကိုဖြစ်စေနိုင်ပါတယ်။ အသက်အရွယ်မရွေးနှင့် အခြေခံကျန်းမာရေး ပြဿနာ ရှိသူများတွင် အများအားဖြင့် ဖြစ်ပွါးစေနိုင်ပါတယ်။ ရောဂါထိန်းချုပ်ရေးနှင့် ကာကွယ်ရေးဌာန(CDC) ၏အဆိုအရ ကလေးများနှင့် အသက်ကြီးပိုင်းလူများအတွက် နှစ်စဉ်တုပ်ကွေးရောဂါ ကာကွယ်ဆေးထိုးရန် အကြံပြုထားပါတယ်။
⛳️⛳️အထက်ဖော်ပြပါရာသီအလိုက်ကာကွယ်ဆေးများကို ဗဟိုရ်စည်ဆေးရုံကြီးတွင် ထိုးနှံနိုင်ရန် ဝန်ဆောင်မှုပေးနေပြီး (Myanmar FDA Approval) ရရှိထားကာ Cold Chain ဖြင့်စနစ်တကျ သိမ်းဆည်းထားသော ၂၀၂၃ခုနှစ် အတွက် ပြင်သစ်နိုင်ငံထုတ် လေးမျိုးစပ်တုပ်ကွေးကာကွယ်ဆေး Vaxigrip Tetra 2023 (Influenza Vaccine) ကိုယုံကြည်စိတ်ချစွာ ထိုးနှံနိုင်ပြီဖြစ်ကြောင်း သတင်းကောင်းပါးအပ်ပါတယ်ခင်ဗျာ။
“လူသားအားလုံးကျန်းမာစေချင်သည်ဗဟိုရ်စည်”
☎OPD Phone – 01-2300631 / Ext: 4007
☎Phone- 01-2300631(Hot Line), 01-2300502 to 01-2300514 သို့ဆက်သွယ် စုံစမ်း မေးမြန်းနိုင် ပါတယ်။
🏥အမှတ် (၁-၆) ၊ (၃၁-၃၆) ၊ (၃၇-၃၈) ဗဟိုရ်စည်အိမ်ရာ၊ ဝါးတန်းလမ်းနှင့် ဗိုလ်ချုပ်အောင်ဆန်းလမ်း ထောင့်၊ လမ်းမတော်မြို့နယ်၊ ရန်ကုန်။